एम. ए. भाग २ - २०२१-२०२२ : गोगटे जोगळेकर महाविद्यालयात शिकवले जाणारे विषय

 एम. ए. भाग दोन :  विषय निवड 

                                                       तृतीय सत्र  :  

   9.5 - दलित साहित्य : Dalit Sahitya

10.1 - साहित्य प्रकाराचा अभ्यास: कादंबरी  -Study of form of literature: Novel      

 11.3 - समाजभाषाविज्ञान : Socio Linguistic

12.2 - प्राचीन कालखंडाचा अभ्यास : शिवकाल Study of specific period:  Shivkal

13.1 - महानगरीय साहित्य   Mahanagriy Sahitya

                                                                                                                                                                                                                           चतुर्थ सत्र :      

14.2 - स्त्रीवादी चळवळ आणि सिद्धांतन - Feminist movement and  Theorisation

15.1 - प्रसार माध्यमे आणि भाषाव्यवहार -Mass media and usage of Marathi language

16 - प्रकल्प लेखन  Project Writing

प्रकल्प लेखनासाठी विषय :

१. भाषावैज्ञानिक अभ्यास

२. समीक्षेचे उपयोजन 

३. संशोधन 

४. विशिष्ट प्रदेशाचे साहित्य 

५. प्रशासनिक मराठी 

६. मराठीच्या बोली

विद्याशाखा बदल अभ्यासक्रम

Post Graduation Faculty change Entrance Exam Syllabus (विद्याशाखा बदल अभ्यासक्रम: मराठी)  

विद्यापीठ अनुदान आयोग मान्यताप्राप्त जर्नल List of UGC approved Journals

विद्यापीठ अनुदान आयोग मान्यताप्राप्त जर्नल 

 

"साहित्य स्वत:त उगवून येण्याची किमया देते" -  कवी रवींद्र लाखे                                

गोगटे - जोगळेकर महाविद्यालयात 'मराठी राजभाषा दिन' उत्साहात संपन्न

 

          गोगटे - जोगळेकर महाविद्यालयात दि. २७ फेब्रुवारी हा 'मराठी राजभाषा दिन' मोठ्या उत्साहात संपन्न झाला. या दिनाचे औचित्य साधून कवी रवींद्र लाखे यांच्या ऑनलाईन व्याख्यानाचे तसेच प्रतिभावंत कवींच्या निवडक कवितांचे चित्र-काव्य प्रदर्शन महाविद्यालयाच्या ग्रंथालयात आयोजित केले होते.

          महाविद्यालयाच्या ग्रंथालयात आयोजित केलेल्या चित्र-काव्य प्रदर्शनाच्या उद्घाटनाने कार्यक्रमाला सुरुवात झाली. प्र. प्राचार्य डॉ. पी.पी.कुलकर्णी यांच्या हस्ते तसेच कलाशाखेच्या उपप्राचार्या डॉ.कल्पना आठल्ये, मराठी विभागप्रमुख प्रा. शिवराज गोपाळे , ग्रंथालयाचे उत्पल वाकडे व इतर मान्यवरांच्या उपस्थितीत उद्घाटन समारंभ संपन्न झाला. या उद्घाटन समारंभाचे सूत्रसंचालन मराठी विभागाच्या प्रा.सीमा वीर यांनी केले. या कार्यक्रमाच्या प्रसंगी 'लाभले आम्हास भाग्य बोलतो मराठी' हे गीत एम.ए. भाग एकचा विद्यार्थी अमेय पंडीत याने सादर केले. यानंतर तृतीय वर्ष कला शाखेच्या दिप्ती वहाळकर या विद्यार्थिनीने 'माझ्या मराठीचा बोल आहे अंतरात खोल' ही कविता सादर केली.

          'साहित्य जीवनाला काय देते ?'  या विषयावर ऑनलाईन व्याख्यानात सहभागींना मार्गदर्शन करताना कवी रवींद्र लाखे यांनी उपनिषदातील एक ओळ सांगितली,"एकटयानं जीव रमत नाही, दोघे आले की भय वाटते." या ओळीभोवतीच जीवनातलं सर्व साहित्य तयार झाले आहे. विविध प्रकारचे साहित्य वाचल्याने आपल्या जीवनाला दिशा मिळते. साहित्य तुम्हाला स्वत:त उगवून येण्याची किमया देते असे प्रतिपादन केले.

          मराठी विभागाने आयोजित केलेल्या कार्यक्रमाचे सूत्रसंचालन डॉ. निधी पटवर्धन यांनी केले. चित्र- काव्य प्रदर्शन उद्घाटनप्रसंगी प्रातिनिधिक स्वरुपात विद्यार्थी उपस्थित होते. ऑनलाईन व्याख्यानात बहुसंख्य मराठी प्रेमी रसिक व विद्यार्थी सहभागी झाले होते.

श्रद्धा हळदणकर या मराठी विभागाच्या विद्यार्थिनीने पटकाविले १०००० चे पारितोषिक

 श्रद्धा हळदणकर बक्षिस स्वीकारताना :

प्रमाणपत्र : 

मराठी भाषा संवर्धन पंधरवडा : विशेष संवाद : साहित्याने मला काय दिले?

 गोगटे जोगळेकर महाविद्यालय, रत्नागिरी

          मराठी विभाग आयोजित 

मराठी भाषा संवर्धन पंधरवडा

       (१४ ते २७ जानेवारी २०२१)

            विशेष संवाद : साहित्याने मला काय दिले?

         दि २५ जानेवारी २०२१

 वेळ: सकाळी ठीक - ०८.१५ वाजता

        निमंत्रित मान्यवर 

प्रा. डॉ. नीलांबरी कुलकर्णी

( प्राध्यापिका, कवयित्री, अ. का. प्रियोळकर पुरस्कार प्राप्त संशोधक)

              उपस्थित राहण्यासाठी खालील लिंकचा वापर करावा

सोमवार:  8.15am

meet.google.com/hzu-pmuq-knb

Dial-in: (US) +1 570-989-0181 PIN: 893 293 599#

चित्रपट रसास्वाद आणि शॉर्टफिल्म व डॉक्युमेंटरी मेकींग कार्यशाळेत मराठी विभागाचे भरघोस साहाय्य

 

गो.जो. महाविद्यालयात चित्रपट रसास्वाद आणि शॉर्टफिल्म व डॉक्युमेंटरी मेकींग कार्यशाळा संपन्न

सिनेमा पाहणारा माणूस – अशोकजी राणे यांचे मार्गदर्शन

 

फोटो : डॉ. नितीन चव्हाण, प्रा. प्राचार्य पी. पी. कुलकर्णी, अशोकजी राणे, मराठी विभागाच्या सीमा वीर आणि डॉ. निधी पटवर्धन व सहभागी 

            गोगटे- जोगळेकर महाविद्यालय आर्टस् फिल्म क्लब आणि रत्नागिरी फिल्म सोसायटी यांच्या संयुक्त विद्यमाने चित्रपट रसास्वाद आणि शॉर्टफिल्म व डॉक्युमेंटरी मेकींग कार्यशाळेचे आयोजन करण्यात आले होते. दिनांक ८,९,१० जानेवारी या कालावधीत ही कार्यशाळा गो. जो. महाविद्यालयाच्या डॉ. ज. शं.केळकर सेमिनार हॉलमध्ये पार पडली. कार्यशाळेच्या उद्घाटनप्रसंगी महाविद्यालयाचे प्रभारी प्राचार्य डॉ. पी.पी.कुलकर्णी यांनी आपले मनोगत व्यक्त करून शुभेच्छा दिल्या. यावेळी व्यासपीठावर रत्नागिरी फिल्म सोसायटीचे डॉ. नितीन चव्हाण, आर्टस् फिल्म क्लबचे डॉ. वासुदेव आठल्ये व ज्येष्ठ चित्रपट समीक्षक व आस्वादक आणि कार्यशाळेचे मार्गदर्शक अशोकजी राणे उपस्थित होते. कार्यक्रम समिती समन्वयक व मराठी विभागाच्या प्राध्यापिका डॉ. निधी पटवर्धन यांनी प्रास्ताविकात या कार्यशाळेची गरज, महत्त्व आणि महाविद्यालयाची भूमिका समजून दिली. डॉ. नितीन चव्हाण यांनी प्रमुख अभ्यागत श्री. अशोक राणे यांचा परिचय करून दिला आणि कार्यशाळेमध्ये सह- समन्वयक म्हणून  रत्नागिरी फिल्म सोसायटीचा सहभाग असल्याचा आनंद व्यक्त केला.

            सदर कार्यशाळेच्या पहिल्या व दुस-या दिवशी 'चित्रपट रसास्वाद' या विषयावर सिनेमाचे विद्यापीठ असणाऱ्या अशोकजी राणे यांनी मार्गदर्शन केले. चित्रपटाचा उगम व विकास, चित्रपटाची भाषा  तसेच चित्रपट कसा पहावा यावर विविध चित्रपट दाखवित सहभागी झालेल्यांशी सविस्तर चर्चा केली. चित्रपटाचा रसास्वाद घ्यायचा असेल तर खुल्या मनाने त्याकडे पाहिले पाहिजे. चित्रपटच नव्हे तर कोणतीही कला जाणून घेताना तिच्या मुळाशी गेले पाहिजे. यासाठी सातत्य जपले पाहिजे असे अशोकजींनी आवर्जून नमूद केले. हॅपी ॲनिवर्सरी, परोक्ष, सिद्धिविनायक, अभिनेत्री, चैत्र, गिरण या आणि अशा सारख्या काही प्रातिनिधिक शॉर्ट फिल्म तीन दिवसांमध्ये दाखविल्या गेल्या तर प्रत्येक दिवशी एक चित्रपट याप्रमाणे पहिल्या दिवशी हिंदी संगम सिनेमावर आधारित 'डेस्पिरादो स्क्वेअर' हा इस्रायली चित्रपट दाखविला गेला, दुसऱ्या दिवशी इंग्रजी 'ड्वेल' हा चित्रपट तर समारोपाला 'मसान' हा हिंदी चित्रपट दाखविण्यात आला. कार्यशाळेच्या तिसऱ्या दिवशी शॉर्टफिल्म व डॉक्युमेंटरी मेकींग यावर सहभागींना मार्गदर्शन केले. डॉक्युमेंट्री म्हणजे काय हे सांगून त्याच्यासाठी उपलब्ध असणारा निधी कसा मिळवायचा, फेस्टिवलसाठी फिल्म कशा पाठवायच्या ते अगदी स्क्रीन प्ले, दिग्दर्शन, फिल्म मेकिंग, रसास्वादातील बारीकसारीक मुद्दे अशा विविध विषयांवरती कार्यशाळेत चर्चा झाली.

            सदर कार्यशाळेत विविध वयोगटातील २१ प्रशिक्षणार्थी सामील झाले होते. असेच उपक्रम वारंवार भेटीला यावेत अशी प्रतिक्रिया सहभागी झालेल्या सर्वांनीच आभार प्रदर्शनाच्या कार्यक्रमात व्यक्त केली. या कार्यक्रमाची तांत्रिक बाजू महाविद्यालयाच्या आर्टस् फिल्म क्लबच्या सदस्यांनी सांभाळली. डॉ. निधी पटवर्धन यांनी तीन दिवस सूत्रसंचालन केले. या कार्यशाळेसाठी अभ्यागत सुचवणे  ते ही कार्यशाळा  विद्यार्थ्यापर्यंत पोचवणे  यासाठी  मराठी विभागाचे भरघोस साहाय्य    झाले.